حريتى يا بلادى (2011)
كلمات: محمود الأسلت
ألحان و توزيع: أحمد فرحات
إنتاج: أرابيكا ميوزيك
هيلا هيه … يا عرب بلادى
قلبى يا ولاد العرب بينادى
ربى … حريتى يا بلادى
ربى … يخليكى يا بلادى
إيه .. غير الوطن نهوى
إيه .. زى الوطن نلقى
إيه .. غير الوطن نفدى
إيه .. و الموت للى يعادى
هيه .. شوف اللى تتمناه
هيه .. ممكن بنستناه
هيه .. يا حلم بات مسموح
هيه .. يمنع خيالنا يروح
هيلا هيه … يا عرب بلادى
قلبى يا ولاد العرب بينادى
ربى … حريتى يا بلادى
ربى … يخليكى يا بلادى
دنشواى (2011)
بين المخاض والألم من تانى بنتولد
بين المخاض والألم الماضى بيتولد
والحكمة بتتولد والغنوة بتتولد
كل اللى عدى وراح لسة فى عنيكى بيتولد
إزاى (2011)
كلمات: نصر الدين ناجى
ألحان و توزيع: أحمد فرحات
إنتاج: 30 سكندز
إزاى ترضيلى حبيبتى، قد ما اعشق إسمك و إنتى
عمالة تزيدى فى حيرتى، ومانتيش حاسة بطيبتى إزاى
مش لاقى فى عشقك دافع، ولا صدقى فى حبك شافع
إزاى أنا رافع راسك و إنتى بتحنى فى راسى إزاى
أنا أقدم شارع فيكى، وامالك م اللى باليكى
أنا طفل أتعلق بيكى فى نص السكة و توهتيه
أنا لو عاشقك متخير، كان قلبى زمانه إتغير
وحياتك لافضل أغير فيكى لحد ما ترضى عليه
إزاى سايبانى بضعفى، طب ليه مش واقفة فى صفى
وأنا عيشت حياتى بحالها علشان ملمحش فى عينك خوف
و فى بحرك ولا فى برك، إزاى احميلك ظهرك
وأنا ظهرى فى اخر الليل دايما بيبات محنى ومكشوف
غنوا لمصر (2010)
إنتاج: إدارة الإعلام، وزارة الداخلية
كل الناس حيغنوا بلادى و حتعيش مصر
أنا فرحان دايما ببلادى و ولاد مصر
مصر الأم اللى تسمينى ، تاخد بإيديا تعدينى
اسمها هو اللى بيشفينى ، و الدوا مصر
المحروسة غالية عليا ، نيلها بيرقص جوا عينيا
طيبة ناسها و الحنية ، اسمها مصر
اكتب اسمى على أهرامها أحلف إنى سمعت كلامها
وأنا تلميذ بحلم قدامها بتاريخ مصر
مصر الريف و حوارى البندر
مصر العلماء اللى بتفكر
أو عسكرى فى البرد بيسهر
يحرس مصر
رمضان جنة (2009)
إنتاج: أرابيكا ميوزيك
وحوى يا وحوى مرحب رمضان
رمضان جنة جت من الرحمن
شمعة بتكبر … ايووحة
فى فانوس أخضر … ايووحة
رمضان نور … ايووحة
وهلالة يبان دايماً فرحان
رمضان فرحة … ايووحة
شجرة وطرحة … ايووحة
إدينى بلحة … ايووحة
بيتك عمران بياميش رمضان
إصحى يا نايم ربك دايم
ده سحور بركة و خير للصايم
شبابيك ألوان … ايووحة
فى حيطان وبيبان … ايووحة
زينة رمضان … ايووحة
فرحان من قلبى زى زمان
